2014թ. հունվարին Հայկական Ծրագրեր ընկերության և Հայաստանի հանրային հեռուստաընկերության միջև կնքվել է պայմանագիր: Համաձայն այդ պայմանագրի Հայաստանի հանրային հեռուստաընկերությունում նախատեսվում է ներդնել ՀԾ-Ձեռնարկություն համակարգը հետևյալ ենթահամակարգերով.

• Հաշվապահություն
• Հիմնական միջոցներ
• Ապրանքանյութական արժեքներ
• Աշխատավարձ
• Կադրեր

Ներդրումը հնարավորություն կտա պատրաստել տարբեր վերլուծական հաշվետվություններ, խմբավորել և մանրամասնեցնել տվյալները: Հնարավորություն է ստեղծվում նաև փոփոխել հաշվետվությունների և տպվող տեսքերի կառուցվածքը: Համակարգը հիմնված է տվյալների միասնական բազայի վրա, ինչը թույլ կտա ապահովել տարբեր ստորաբաժանումների փոխկապակցված աշխատանքը և արագացնել բիզնես-գործընթացները:

ՀԾ-Ձեռնարկություն համակարգը ապահովում է հետևյալ հիմնական ֆունկցիաները.

• Միջազգային ստանդարտներին համապատասխան ֆինանսական,հարկային հաշվառում վարելու հնարավորություն
• Բազմակողմ ֆինանսական վերլուծություն
• Ֆինանսական և հարկային հաշվետվություններ պատրաստելու հնարավորություն
• Պայմանագրային պարտավորությունների կատարման, դեբիտորական և կրեդիտորական պարտքերի վերահսկողություն, ժամկետանց պարտքերի վերլուծություն
• Գործողությունների ամբողջական աուդիտ