Հայկական Ծրագրեր ընկերությունը թողարկել է ՀԾ-Վաճառքների Կառավարում 6 նոր սերնդի համակարգը:
   ՀԾ-Վաճառքների Կառավարում 6 համակարգը թույլ է տալիս ամբողջությամբ ավտոմատացնել ապրանքների մատակարարման գործընթացը` սկսած պատվերների հավաքումից մինչև առաքում և ապրանքների շուկայական առաջխաղացում:

   ՀԾ-Վաճառքների Կառավարում 6 hամակարգը բազմապատկում է պատվեր ընդունող գործակալների, առաքիչների, իրացումները գրանցող և վերլուծող մասնագետների աշխատանքի արդյունավետությունը` տրամադրելով նրանց գործունեության միասնական միջավայր: Գրասենյակի և առևտրային գործակալների միջև առցանց տվյալների փոխանակման շնորհիվ մատակարարման շղթայի յուրաքանչյուր մասնակից մշտապես տիրապետում է իրեն անհրաժեշտ տվյալների վերջին վիճակին:

   Համակարգի հիմնական առավելություններն են`

• Առևտրային գործակալների օրական երթուղիների մշակում` ըստ խանութների
• Պատվերների հավաքագրում խանութներից` դիտելով պահեստի ընթացիկ առկայությունը
• Պատվերների օպտիմալ բաշխում ըստ առաքող մեքենաների
• Վաճառքների, առաքումների և վճարումների կազմակերպում և փաստաթղթավորում
• Խանութների հետ գործարքների հաշվառում ըստ բաժինների
• Զեղչերի ճկուն նկարագրման հնարավորություն` ըստ ապրանքների, խանութների և գնացուցակների տեսակների
• Խանութների պարտքերի և դրանց թույլատրելի սահմանաչափերի վերահսկում
• Խանութում սեփական և մրցակիցների ապրանքների գույքագրում
• Տվյալների երկկողմանի փոխանակում գրասենյակի հետ` փաստաթղթերի ավտոմատ ուղարկման հնարավորությամբ
• Վերլուծական հաշվետվությունների ստացում` ըստ վաճառքի գոտիների, պատվերների հավաքագրման և կատարման, կատարված այցերի, իրացումների և առաքումների
• Քարտեզների վրա գործակալների փաստացի և պլանավորված այցերի վերահսկում` գլոբալ տեղորոշման համակարգի (GPS) կոորդինատների միջոցով
• Արդիականացված ինտերֆեյս (unicode կոդավորում, նկարների բեռնում)
   

   ՀԾ-Վաճառքների Կառավարում 6 համակարգը համատեղելի է Android 4.0 համակարգով աշխատող շարժական սարքերի հետ: Դրանք կարող են լինել ինչպես բջջային հեռախոսներ, այնպես էլ պլանշետներ:

   ՀԾ-Վաճառքների Կառավարում 6 համակարգը սերտորեն համակցված է ՀԾ-Ձեռնարկություն, ՀԾ-Հաշվապահ 6 և ՀԾ-Առևտուր 6 համակարգերի հետ: Համակարգերի միջև իրացումների և վճարումների փաստերի սահուն փոխանակումը կազմակերպության համար ապահովում է աշխատանքի մեծ հարմարավետություն, աշխատաժամանակի տնտեսում, սխալների բացառում:

   ՀԾ-Վաճառքների Կառավարում 6 համակարգի մշակման ժամանակ կիրառվել են նորագույն ծրագրավորման տեխնոլոգիաներ, զարգացվել համակարգի ֆունկցիոնալ և ինտերֆեյսային հնարավորությունները:

   Անցումը ներկա ՀԾ-Վաճառքների Կառավարում համակարգից նոր` ՀԾ-Վաճառքների Կառավարում 6 համակարգին, կատարվում է առանց լրացուցիչ վճարի:

Ավելին ՀԾ-Վաճառքների Կառավարում 6 համակարգի մասին