2016թ. նոյեմբերին Հայկական Ծրագրեր ընկերության և ՀՀ Կառավարության աշխատակազմի միջև կնքվել է պայմանագիր, որով նախատեսվում է ներդնել ՀԾ-Ձեռնարկություն համակարգի Կադրեր և Ավտոտնտեսություն ենթահամակարգերը:

   ՀՀ Կառավարության աշխատակազմը 2006թ-ից հանդիսանում է ՀԾ-Ձեռնարկություն համակարգի օգտագործող: Կազմակերպությունում արդեն ներդրված են Հաշվապահություն, Հիմնական միջոցներ, Ապրանքանյութական արժեքներ, Աշխատավարձ ենթահամակարգերը:

   Ենթահամակարգերի ներդրումը և ինտեգրացիան ՀԾ-Ձեռնարկություն համակարգին հնարավորություն կստեղծի ավտոմատացնել կազմակերպության ներքին գործընթացները:

   ՀԾ-Ձեռնարկություն համակարգի Կադրեր և Ավտոտնտեսություն ենթահամակարգերը ապահովելու են`

• Կազմակերպության անձնակազմի հաշվառում
• Աշխատակազմի գծով հրամանների հաշվառում (ընդունման, ազատման, փոխադրման հրամաններ և այլն) և ֆինանսական հրամանների փոփոխություն
• Կազմակերպության հաստիքացուցակի ձևավորում և վարում
• Աշխատակիցների մասին պատմական տվյալների հաշվառում և պահպանում
• Աշխատակիցների արձակուրդայինների գրաֆիկի ձևավորում
• Կադրային տվյալների գաղտնիության պահպանում
• Կադրային հաշվետվությունների ավտոմատացում
• Կազմակերպության ավտոմեքենաների և վարորդների մասին տեղեկությունների գրանցում
• Վառելիքի քանակային հաշվառում` ըստ ավտոմեքենաների և վարորդների` վառելիքի լիցքավորման, ընդունման-հանձնման և ծախսագրման փաստերի գրանցմամբ
• Ամենօրյա կամ ամփոփ ուղեգրերի հիման վրա նորմայով ծախսվող վառելիքի դուրս գրում, նաև վառելիքի գերածախսի կամ խնայման մասին տվյալների ստացում
• Ավտոմեքենաների պլանավորած նորոգումների հաշվառում` հետևելով նյութածախսերին և կատարված աշխատանքներին
• Նորոգումների վերլուծություն` համեմատելով փաստացի կատարված և նորմաներով պլանավորված նորոգումների պարբերականությունը և վազքաչափերը