2017թ. հոկտեմբերին Հայկական Ծրագրեր և Սեֆ Ինթերնեյշնլ ընկերությունների միջև կնքվել է ՀԾ-Ձեռնարկություն համակարգի Հիմնական միջոցներ ենթահամակարգի ներդրման պայմանագիր:

   Սեֆ Ինթերնեյշնլ ընկերությունը 2005թ-ից հանդիսանում է ՀԾ-Ձեռնարկություն համակարգի օգտագործող: Ընկերությունում արդեն ներդրված են ՀԾ-Ձեռնարկություն համակարգի Աշխատավարձ և Կադրեր ենթահամակարգերը:

   Նոր ենթահամակարգի ներդրումը հնարավորություն կտա պատրաստել տարբեր վերլուծական հաշվետվություններ: Համակարգը հիմնված է տվյալների միասնական բազայի վրա, ինչը թույլ կտա ապահովել տարբեր ստորաբաժանումների փոխկապակցված աշխատանքը և արագացնել բիզնես-գործընթացները:

   ՀԾ-Ձեռնարկություն համակարգի Հիմնական միջոցներ ենթահամակարգը Սեֆ Ինթերնեյշնլ ընկերությանը թույլ կտա իրականացնել.

• Հիմնական միջոցների քարտարանի հաշվառում
• Հիմնական միջոցների հետ բոլոր գործարքների գրանցում` ձեռքբերումից մինչև լուծարում
• Հիմնական միջոցների վերագնահատում, հավելյալ ծախսերի հաշվառում, գույքագրում
• Մաշվածության հաշվարկ
• Կապիտալ և ընթացիկ վերանորոգումների հաշվառում
• Փաստաթղթերի ստանդարտացված տպվող տեսքերի ստացում
• Գործողությունների ամբողջական աուդիտ