Ամպային տարբերակի դեպքում տվյալների պահոցները և պահուստային պատճենները գտնվում են ոչ թե կոնկրետ աշխատանքային համակարգչի վրա, այլ հատուկ սերվերային տարածքում:

Ամպային տարբերակը թույլ է տալիս էապես կրճատել շահագործման ծախսերը: Կարիք չկա գնել հզոր և թանկարժեք սերվերային համակարգիչ, ինչպես նաև ծախսեր կատարել տեխնիկական և ցանցային սպասարկման վրա:

Պահպանելով տվյալները ամպային տարածքում Դուք ստանում եք հասանելիություն տվյալներին 24/7 ռեժիմով:

Միացումը տվյալներին կատարվում է անվտանգ և գաղտնագրված կապուղով, որի շնորհիվ օգտագործողները կարող են ապահով աշխատել աշխարհի ցանկացած կետից` ինտերնետի առկայության դեպքում:

Կարելի է չմտածել տվյալների պահպանության մասին, դրանք գտնվում են հուսալի սերվերային տարածքներում (data centre), որտեղ կատարվում է ամենօրյա ավտոպատճենում:

Ղեկավարների

Ամպային տարբերակը ղեկավարներին թույլ է տալիս էապես կրճատել սերվերների և դրանց տեխնիկական սպասարկման վրա կատարվող ծախսերը:

Համակարգային ադմինիստրատորների

Համակարգային ադմինիստրատորների համար ավելի հեշտ կլինի սպասարկել ամպային տարբերակը, քանի որ անհրաժեշտություն չկա կատարել ցանցային կարգավորումներ կամ տվյալների ամենօրյա պահուստավորում:

Առևտրային գործակալների

Ամպային տարբերակը առևտրային գործակալներին թույլ է տալիս աշխատել և կատարել տվյալների փոխանակում 24/7 ռեժիմով՝ անկախ գրասենյակային մասում առաջացած խոչընդոտներից (այդ թվում՝ հոսանքի, ինտերնետի բացակայություն և այլն)։

Տվյալները պահվում են տվյալների կենտրոնում, որը համապատասխանում է բոլոր ժամանակակից պահանջներին

• շուրջօրյա անվտանգության ծառայություն
• օդորակման և հրդեհամարման ինքնաշխատ համակարգերի առկայություն
• պահուստային էլեկտրամատակարարման առկայություն
• հիմնական և պահուստային գերարագ ինտերնետային կապերի առկայություն

ՀԾ-Վաճառքների կառավարում համակարգի օգտագործողները կարող են գրանցվել էլ. փոստով, տվյալները տեղափոխել ամպ և շարունակել աշխատանքն ամպում: Ամպային տարբերակների ֆունկցիոնալությունը ամբողջովին համընկնում է լոկալ տարբերակի հետ: