Դասընթացներ ծրագրավորողների համար
Հայկական Ծրագրեր ընկերությունը, OMD ընկերության հետ համատեղ, կազմակերպում է անվճար դասընթացներ` ինֆորմատիկա մասնագիտացմամբ ուսանողների համար:

Նպատակները

Մեր կարծիքով, Ինֆորմատիկայի ֆակուլտետների շրջանավարտները ծրագրավորման առարկաներից չեն ստանում անհրաժեշտ խորությամբ գիտելիքներ: Արդյունքում ուսանողները դժվարություն են ունենում աշխատանք որոնելիս, իսկ ընկերությունները ստիպված են լինում նույնիսկ բարձր առաջադիմությամբ ուսանողների հետ երկարատև ուսուցում անցկացնել:
Այս դասընթացների նպատակն է բարձր առաջադիմությամբ ուսանողներին հնարավորություն ընձեռել` պատշաճ ծավալով և որակով սովորելու ծրագրավորման բակալավրիատի առարկաները: Դրա համար մենք
  • Բոլոր առարկաների դասավանդման ծրագիրը մշակելիս մանրամասնորեն հետազոտել ենք արտասահմանյան հեղինակավոր ԲՈՒՀ-երում տվյալ առարկաների դասընթացները:
  • Ընկերություններից հրավիրել ենք դասավանդելու աշխատանքային հարուստ փորձ ունեցող, առաջատար մասնագետների և ԲՈՒՀ-երի լավագույն դասախոսների:

Մասնակցությունը

Դիմել կարող են բակալավրատի առաջին կուրսը ավարտող (և ավելի բարձր) ուսանողները: Դասերը կսկսվեն սեպտեմբերին, շաբաթական 4 օր, ժամը 15:00-ից 18:00:
Տևողությունը` մեկ տարի:
Դասընթացները լինելու են ինտենսիվ, տրվելու են տնային աշխատանքներ: Մասնակիցները պետք է բարեխղճորեն հաճախեն դասերին, կատարեն տնային աշխատանքները:

2016 թ. ընդունելությանը սկսված է: Դիմումները ընդունվում են մինչև ապրիլի 29-ը: Քննությունները տեղի կունենան մայիսի առաջին կեսին:

Դիմումի ձև

Առարկաների ցուցակ

Ուշադրություն. քննության օրի մասին մենք կտեղեկացնենք էլ. փոստի միջոցով: Խնդրում ենք հետևել ձեր փոստարկղին:

Կարող եք զանգահարել +374 (60) 69 09 00 հեռախոսահամարով, կամ գրել courses@armsoft.am հասցեով: