2015թ. նոյեմբերին Հայկական Ծրագրեր ընկերության և ՀՀ արտաքին գործերի նախարարության միջև կնքվել է  պայմանագիր, որով նախատեսվում է նախարարությունում ներդնել ՀԾ-Ձեռնարկություն համակարգի հետևյալ ենթահամակարգերը`

• Հաշվապահություն
• Հիմնական միջոցներ
• Ապրանքանյութական արժեքներ

   ՀՀ արտաքին գործերի նախարարությունը 2015թ-ի սեպտեմբերից օգտագործում է ՀԾ-Աշխատավարձ և Կադրեր համակարգը:

   ՀԾ-Ձեռնարկություն համակարգի ներդրումը թույլ կտա ստեղծել միասնական տվյալների բազա` ապահովել տարբեր ստորաբաժանումների փոխկապակցված աշխատանքը և արագացնել բիզնես-գործընթացները:

   ՀԾ-Ձեռնարկություն համակարգն ապահովելու է`

• Հնարավորություն վարելու հարկային, ֆինանսական հաշվառում` միջազգային ստանդարտներին համապատասխան
• Բազմակողմ ֆինանսական վերլուծություն
• Ֆինանսական և հարկային հաշվետվությունների պատրաստում
• Պայմանագրային պարտավորությունների կատարման, դեբիտորական և կրեդիտորական պարտքերի վերահսկողություն, ժամկետանց պարտքերի վերլուծություն
• Գործողությունների ամբողջական աուդիտ